දැවෙන මිනිසුන්ගේ ගින්න


අපි කොච්චරක් නම් දැවෙනවද කියලා නිකමට චුට්ටක්වත් හිතලා තියෙනවාද ?. නෑ නේද ? .

860-8602894_classic-sculpter-the-thinker-with-head-on-fire.png
Image source

ඉපදිච්ච මොහොතේ ඉදලා අපි දැවෙන එකයි, දැවි දැවී ජීවත් වුනු එකයි විතරමයි අපි මේ දැන් ගෙවෙන මොහොත වෙනකන් කරලා තියෙන්නේ , කවුරුම හරි කෙනෙක් අපෙන් අහනවා , ඒ කවුද කියන එක ප්‍රශ්නයක් නෙමෙයි " ඔයා වැඩියෙන්ම ආදරේ කාටද ? " මම දන්නවා මගේනුත් , ඔයාගෙනුත් ඒක මේ වෙනකොට අනිවාර්යයෙන්ම අහලා තියෙනවා , අපි හැමෝම මහලොකුවට හැමදේම දන්නවා වගේ කියනව , ' මම වැඩියෙන්ම ආදරේ මට ඊට පස්සෙ ඔයාට ' කියලා .

අපි ඔය කියන විදියට ඇත්තටම අපි අපිට ආදරේ ද? මම අදහස් කලේ තමන් තමන්ට , ඇත්තටම එතන ලොකු ප්‍රශ්නයක් තියෙනවා නේද ? මම කිව්වොත් අපි ඇත්තටම අපිට ආදරේ නෑ චුට්ටක්වත්ම කියල ඔයා සමහර විට විශ්වාස කරන්නත් පුළුවන් නොකරන්නත් පුලුවන් ,

අපි ඇත්තටම අපිට ආදරේ නම් කවදාකවත් අපි දැවි දැවී ජිවත් වෙන්නෙ නෑ.

ඊළඟ ප්‍රශ්නේ තමයි අපි මොනවාටද දැවෙන්නේ කියන එක ,

හ්ම්..

අපි මොනවාටද දැවෙන්නේ නැත්තේ , ඕන එකටයි, එපා එකටයි හැම එකටම දැවෙනවා.

ලෝකේ ලොකුම ගින්න මොකක් ද ? කියලා ඇහුවොත් ඒකට උත්තරය අපි කවුරුත් දන්නවා . ඔව් ඔයා හිතන එක තමයි . ලෝකේ මහා භයානකම ගින්නත් ඒකම තමයි. නිකමට හිතුවද ? මිනිස්සුන්ගෙ ජීවිතවල ඒ මහා භයානක ගින්න ඇවිලුනු දවසට ලෝකයක් අළු වෙලා යන්න යන්නේ ටික වෙලවයි.


from-acid-reflux-or-heartburn-vector-25126371.jpg
Image source

අපි දවස ගානේ උදේ සවස මහන්සියි වෙලා කරන්නෙ ඔය ගින්න ටිකක් හරි නිවාගන්න එක විතරයි.
අපි මැරෙනකන් මේ ඇවිලෙන ගින්න නිවාගන්නව ඇරෙන්න අපි , අපි වෙනුවෙන් මොනවත් කරගෙන නෑ , කරගන්නෙත් නෑ නේද ?

ඉපදෙනවා , ගින්න නිව නිව ඉන්නවා ආයෙත් ගින්නෙන්ම මැරෙනවා. ඒකම රවුමට කර කර ඉන්නවා .

දවසක අපි ඇත්තටම අපිට ආදරේ කරනවා. ඒ දවසට දැවිදැවී ඉන්න අපි හැමදාටම නිවෙනවා..

ඇත්තටම චුට්ටක් හිතලා බලන්න.
අපි , අපිට ආදරේයි ද ????????

ස්තුතියි ...


Comments 1


Hi, @udsm,

Thank you for your contribution to the Steem ecosystem.


Please consider voting for our witness, setting us as a proxy,
or delegate to @ecosynthesizer to earn a portion of the curation rewards!
3000SP | 4000SP | 5000SP | 10000SP | 100000SP

09.06.2021 08:51
0